愛書堂

莫嫌舊學偏新學

心遠廬

不薄今人愛古人

主頁

 

民初粵謳  南音  龍舟

頁:  1..   2..   3..   4..   5..  6..  7..  8..  9.. 10..  11..  12..  13..  14..  15..  16..  17..  18..  19..  20..  21..  22..  23..  24..  25..  26..  27..  28..  29..  30..  31..  32..  33..

    廖恩燾粵謳解心   粵韻絃歌   藝海光華   星影浮沉   好歌百回聽     歌影東瀛     歌壇憶舊   經典名曲120   經典歐美流行曲    經典歐美電影 一覧


民初粵謳,南音,龍舟      粵韻絃歌         

南音   癡雲   小明星演唱   王心帆撰曲

思往事,記惺忪,看燈人異去年容。可恨鶯兒佢頻喚夢,情絲輕裊斷魂風。想起贈佩情深,唉我愁有萬種,量珠心願恐怕無從。 個儂愛我都算恩情重, 真是心有靈犀一點通。獨惜身無羽翼學不得雙飛鳳,所以思嬌情緒無日不朦朧。記得當時邂逅,佢頻把橫波送,驀地相逢,真似在夢中。佢背燈思語,話我係個多情種 ,點想驪歌忽唱,粉滲啼紅。今日無奈癡情都無用,只怨一句幽歡嘆情景,太過匆匆。往日欄杆雙倚,妙緒如泉湧,好似百轉嬌鶯出畫籠。 最愛你係胡琴學得,你重羞頻弄,歌喉雄邁,唱個闋大江東。小環偷睨,重把我地來嘲諷 ,(轉乙反南音) 話係一雙蝴蝶滯芳叢。今日關山遠隔情何痛,往事如煙,唉我怨一句碧翁。懷人不見,又恨難成夢;唉愁倍重, 音問憑誰送,唯將離情別緒等我譜入絲桐。

粵謳   春景咁好

春景咁好,一定消魂。若係愛惜韶華,總要認真。雖則話春去春來,無乜要緊。獨是千金一刻呀,叫我怎不額外留神。何况萬物嘅生機,全靠呢一陣。試睇絕好花容 ,有得幾耐新。行樂就要及時,此後唔好咁笨。倘若徐娘老去,怎不觸起你的愁痕。你睇一場春夢,最是增人恨。無多好景,要謝一句東君。呢陣春風和煦,問有邊個唔憐憫。唉,須謹慎 。流年逝水唎,你試回想吓唔曾。  


上世紀六十年代


 

本站旨在弘揚和傳承源遠流長之中國文化,網頁內容或有轉鈔各名家著論。如有謬誤及冒犯著作權益,請即指正 ,自當修改刪除。